Giornæ de sô - (negli idiomi originari detti dialetti)

Sensa ûnn-a nûvea o çê, netto, tûrchin; l'äja tepida, sann-a, profûmâ: o baxa i schêuggi, o bägia in sce l'aenin quæxi sens'onda, sensa maoxi o mâ: tûtti i monti da Vötri a Portofin son spassæ pan sciortii da ûnn-a bûgâ... che bello sô! pâ, intrando pe-i barcoin, ch'o digghe: – no l'é tenpo de ciömâ. – Fortûnôu chi ha duî parmi de terren: se sappa l'ortiggiêu, s'alliama a villa, se canta, se scigöa, se va e se ven: gh'é quarcosa in te l'aja che recilla, che recuvea, che piaxe, che fa ben…. brilla o çé, brilla o mâ, l'anima a brilla. [...]