Tra i ciappi da mæ lengua & Ma se t’ê stanco da teu vitta grixa (versione italiana d.a.)

Trieua

Tra i ciappi da mæ lengua
me ne vaggo
comme chi va inte roiñe
da seu casa,

e quarchedun de vòtte
l’arreccheuggio
pe intende o cheu de questa tæra
batte.

Triora

Tra i cocci della mia lingua

me ne vado

come chi si aggira tra le rovine

della sua casa,

e qualcuno talvolta

lo raccolgo

per ascoltare il cuore di questa terra

che batte.

*

Ma se t’ê stanco da teu vitta grixa
sgreiâ inte squæxi che te dan l’amao,
ma se e mattin te pan delongo pæge
e e seie s’ìmpan de tägnæ d’erlia,

no stâ à arroinâ o recanto che t’arresta
da poei scappâne, no bruxâ i tò seugni,
no vende e coæ che mai t’æ satisfæto
e i dexidëi, seggian pù tæ delongo.

Megio de vòtte che ’n regòrdo pöso
E mille cöse ch’avien posciuo ëse.

1.VI. 85.

Ma se sei stanco della tua vita grigia

sprecata in recriminazioni che ti amareggiano,

ma se le mattine ti sembrano tutti eguali

e le sere si riempiono di ragnatele d’angoscia,

non rovinare l’angolo che ti rimane

per la fuga,

non bruciare i tuoi sogni,

non vendere le voglie che non hai mai soddisfatto

e i tuoi desideri, anche se tali destinati a rimanere.

Meglio, a volte, più di un ricordo stantio

le mille cose che avrebbero potuto essere.

*